Penslar innandyra

Veldu rétta pensilinn

Hér á síðunni má finna mikið úrval af penslum, sem fáanlegir eru í mismunandi stærðum og gerðum. Góð regla er að velja pensil sem hentar í það verkefni sem fyrir liggur hverju sinni. Gæðapensill í réttri stærð og lögun mun alltaf auðvelda þér verkið og auka líkurnar á að útkoman verði jöfn, falleg og í samræmi við væntingar þínar.

Að velja hár á pensilinn

Það eru tvenns konar útfærslur af hárum í boði: Pensill með náttúrulegum hárum og pensill með hárum úr gerviefnum. Einnig er hægt að velja pensil sem er blanda af þessum tveimur. Með því að nota pensil með gervihárum færðu fallega áferð sem heldur sér vel. Náttúruleg hár drekka mikið í sig og pensillinn tekur því í sig mikla málningu og það drýpur síður úr honum. Flestir okkar penslar eru framleiddir með gervihárum.

Mikið úrval pensla til notkunar innanhúss

Hér að neðan finnur þú yfirlit yfir þá pensla sem henta til notkunar innanhúss.

• Sporöskjulaga pensill - Hentar sérlega vel til að mála tréverk innanhúss, t.d. karma og lista. Góður alhliða pensill sem gefur góða áferð.
• Vinkilpensill - Hentar sérlega vel í nákvæmnisvinnu og á svæðum þar sem erfitt er að koma hefðbundnum pensli að, t.d. á bak við ofna.
• Hringlaga pensill - Hentar sérlega vel í nákvæmnisverk, t.d. til að gera línur eða skera meðfram kverkum, listum og körmum.
• Flatur pensill - Hentar sérlega vel til að skera í kverkum milli lofts og veggja og meðfram hurðakörmum.
• Jumbopensill - Hentar sérlega vel til að mála meðfram brúnum í loftum og á veggjum.
• Gólfpensill - Hentar sérlega vel til að lakka gólf og aðra stóra fleti.
• Spísspensill - Hentar vel til að mála minni svæði sem kalla á mikla nákvæmni, t.d. gluggapósta.
• Skáskorinn pensill - Hentar sérlega vel til að mála beinar línur á þröngum svæðum, t.d. milli gluggakarma og veggja.

Finndu út hvaða pensill hentar best í þitt málningarverkefni

Það borgar sig án vafa að velja réttan pensil miðað við það verk sem framundan er. Það getur bæði flýtt fyrir og skilað sér í betri áferð og útkomu. Við veitum þér yfirsýn yfir hvað skal mála með hvaða pensli og auðveldum þér þannig að velja besta pensilinn í verkið.