Penslar fyrir veggjamálningu

Penslar sem henta í veggjamálningu

Með góðum veggpensli þarf að vera hægt að mála bæði í kverkum og meðfram körmum með nákvæmum hætti. Það er mikilvægt að velja góðan pensil, þar sem hann getur bæði flýtt fyrir og auðveldað vinnuna, t.d. þegar mála þarf beina línu í kverkum milli lofts og veggja. Þú hefur val um ýmsar tegundir pensla með mismunandi eiginleika, til að hjálpa þér að skila góðu verki.

Þessir penslar henta í veggjamálningu

• Hringpensill
• Sporöskjulaga (Oval) pensill
• Vinkilpensill
• Kústpensill

Hringpensill

Hringpensill er góður, alhliða pensill sem hentar í flestar gerðir málningarvinnu. Hann hentar vel til að mála veggi meðfram loftum, listum og körmum. Hringpensill hentar vel til að mála beinar línur

Sporöskjulaga pensill

Sporöskjulaga (Oval) pensill er góður í fínvinnu og á svæðum þar sem mikillar nákvæmni er þörf. Gott er að mála beinar línur með honum og hann hentar því einnig vel til að mála veggi meðfram loftum, listum og körmum.

Vinkilpensill

Vinkilpensill er góður til að skera í hornum og hentar því vel til að mála kverkar milli lofts og veggja. Pensillinn tekur í sig mikið af málningu sem gerir það að verkum að hægt er að mála langar strokur. Einnig gerir beygjan á skaftinu málun meðfram lofti auðveldari.

Kústpensill

Kústpensill eða útipensill er mest notaður til að mála veggi og stóra fleti utanhúss. Pensillinn er stærri og breiðari en hefðbundnir penslar, hann tekur í sig mikið af málningu og hentar því vel til að mála stóra fleti. Þetta er pensillinn sem þú velur í utanhússmálun.