Loftamálning

Að velja loftamálningu

Það eru til mismunandi tegundir og leiðir við að mála loft. Hvaða aðferð verður fyrir valinu, ræðst af aðstæðum hverju sinni. Ef þú ert til dæmis að mála panelloft þá getur verið góð hugmynd að velja einangrunargrunn undir málninguna til að hindra að blæðingar úr viðnum komi í gegnum málninguna.

Gott ráð er að nota matta málningu í loft. Þannig má ná betri samfellu og jafnari áferð í loftið og draga úr hættu á rúlluförum. Mött loftamálning hentar líka betur til að bletta en málning með hærri gljáa.

Að velja lit og gljáa í loftum

Algengasti loftaliturinn er hvítur, þar sem hvít og ljós loft gera það að verkum að rýmið virkar opnara. Það er hinsvegar ekkert sem bannar það að fara í óhefðbundnari liti, t.d. til að elta stílinn á innréttingum, húsgögnum o.þ.h. Sæktu þér litainnblástur í litakortunum okkar eða í næstu verslun okkar. Ef þú ert í vafa með litavalið þá er góð regla að byrja á að taka litaprufu.

Loftamálning er allajafna með lágu gljástigi. Ástæðan er að mött málning endurkastar síður ljósi og því mun flöturinn virka einsleitari og fá jafnari áferð. Minna mun bera á rúlluförum og misfellum og auðveldara verður að bletta. Við mælum því yfirleitt með að nota málningu með lágu gljástigi til að mála loft, þannig má hámarka líkur á að áferðin verði falleg.

Svona málar þú loft

Áður en þú hefst handa við að mála loftið þarf, eins og við alla málun, að huga að góðri undirbúningsvinnu. Góður undirbúningur er lykill að góðri útkomu.

• Fjarlægðu flagnandi eða lausa málningu með slípun og þrífðu burt fitu, sót og önnur óhreinindi sem kunna að hafa neikvæð áhrif á viðloðun málningarinnar.
• Ef blettir eru í loftinu getur þurft að nota sót og nikótínhreinsi til að þrífa og grunna svo yfir þá með einangrunargrunni. Þannig má lágmarka hættu á að blettirnir skíni í gegn að lokinni málun.
• Það er góð regla að mattslípa glansandi, slétta fleti og grunna áður en þeir eru málaðir. Þannig má tryggja hámarksviðloðun. Þetta getur t.d. átt við þegar verið er að mála ákveðnar gerðir loftaklæðninga eða loft sem hafa verið máluð með málningu með háum gljáa.
• Ef skemmdir eru í lofti skal gera við þær með viðeigandi spartli, slípa og rykhreinsa áður en málað er.
• Ef undirlagið er mjög rakadrægt getur verið góð hugmynd að grunna með Forankringsgrund rykbindigrunni.
• Byrjið á að skera með pensli meðfram kverkum og rúllið svo loftið með málningarrúllu. Gott er að hafa rúlluna á framlengingarskafti, þannig má rúlla í lengri strokum.

Þetta þarftu til að mála loft

• Sandpappír
• Hreinsiefni
• Sót og nikotínhreinsi
• Grunn
• Spartl
• Forankringsgrund rykbindigrunn
• Loftamálningu
• Pensil
• Málningarrúllu
• Framlengingarskaft