Húsgagnamálning

Að velja húsgagnamálningu

Þegar þú velur húsgagnamálningu þá skiptir miklu máli að hafa til hliðsjónar úr hvers konar efni húsgögnin eru. Val á efni og vinnuaðferð er nefnilega breytilegt eftir því hvort húsgögnin eru úr timbri, járni eða plasti. Það er hægt að mála flest húsgögn með réttum aðferðum og efnum. Jafnvel húsgögn með háglansandi filmu, lökkuð húsgögn eða húsgögn með mjög sléttu yfirborði.

Það er hægt að nota hefðbundna húsgagnamálningu til að mála húsgögn úr plasti, tré og járni. Það getur verið gott að nota sprautu eða jafnvel úðabrúsa ef um er að ræða fleti sem erfitt er að koma pensli eða rúllu að.

Að velja lit og gljástig á húsgagnamálningu

Húsgagnamálning er fáanleg í mörgum litum og gljástigum. Ef þú þarft aðstoð við litavalið þá getur þú fengið innblástur í litakortunum okkar eða kíkt við í næstu verslun. Ef þú ert enn í vafa með litavalið þá mælum við með að byrja á að taka litaprufu. Einnig þarf að hafa í huga hvaða gljástig hentar verkefninu. Þú hefur val um matt, háglans og allt þar á milli. Því hærra sem gljástig málningarinnar er, því meiri glansar málningarfilman að verki loknu.

Það er hægt að notast við öll gljástig við húsgagnamálun. Algengast er þó að velja gljástig 20 -50, sérstaklega þegar verið er að mála stóla, borð og önnur húsgögn sem mikið mæðir á og eru útsett fyrir sliti.

Svona málar þú með húsgagnamálningu

Góð undirvinna er ekki bara mikilvæg fyrir fallega útkomu heldur einnig góða endingu og slitþol.

• Byrjaðu á að þrífa vel með viðeigandi hreinsiefni til að tryggja að flöturinn sé laus við alla húðfitu, ryk og önnur óhreinindi. Gott er að nota tusku til að þrífa ný húsgögn en svamp á eldri húsgögn, hann vinnur betur ofan í viðinn sem hugsanlega hefur drukkið í sig fitu og óhreinindi með tíð og tíma. Ljúkið við þrifin með því að strjúka af með hreinu vatni og hreinum, rökum klút.
• Mattið flötinn með því að slípa létt með fínum sandpappír. Þannig má jafna flötinn og eyða ummerkjum um gamla lakk- eða málningarfilmu og á sama tíma tryggja það að húsganamálningin nái eins góðri viðloðun og kostur er.
• Notið gjarnan grunnmálningu til að tryggja hámarksviðloðun. Ef þú ert að mála dökkan við eða við með kvistum þá er mælt með því að nota einangrunargrunn (Stop Primer).
• Gerðu við rispur og skemmdir með spartli og slípaðu svo spartlið til að áferðin verði jöfn. Hreinsaðu svo aftur og mundu að fjarlægja allt slípiryk áður en þú málar.
• Notaðu rúllu á stóra fleti en nettan pensil á kanta, í hornum og á þeim svæðum sem rúllan nær ekki til. Til að fá sem besta útkomu borgar sig að taka ekki pásur í miri umferð, heldur leitast við að mála blautt í blautt.
• Ef um er að ræða húsgögn með útskurði o.þ.h. fínvinnu sem erfitt er að koma rúllu eða pensli að getur hentað betur að nota málningarsprautu eða jafnvel úðabrúsa.

Þetta þarftu til að mála húsgögn

• Málningarhreinsiefni eða viðarhreinsi
• Rykfrían klút eða örtrefjatusku
• Svamp
• Sandpappír
• Spartl
• Grunn
• Húsgagnamálningu
• Málningarrúllu
• Pensil