Flagnandi eldri viðarvörn og trosnaðar viðartrefjar er fjarlægt með hreinsun og slípun.

Óhreinindi, fita og smitandi efni skal fjarlægja með Facade Clean.

Þörunga, myglu- og sveppagróður skal fjarlægja með því að hreinsa með Facade Anti-green.

Slípið hvassar brúnir til að tryggja sem besta þekju.

Óvarinn við skal meðhöndla fyrir eða rétt eftir uppsetningu.

Gljáandi, áður meðhöndlaða fleti þarf að mattslípa.

Nýr viður, þar á meðal gegndreyptur viður, eða við sem hefur verið hreinsaður skal grunna með Flügger 01 Wood Tex Grunnolía.

Undirlag sem hefur staðið ómeðhöndlað í yfir fjórar vikur skal hreinsa og fjarlægja skal allar lausar viðartrefjar.

Bestu endingu er náð með tveimur umferðum.

Útkoma litarins fer eftir undirlaginu, gleypni og fjölda umferða.

Á tréverk sem verður fyrir sólarljósi skal lita vöruna, þar sem litarefnin vernda viðinn gegn útfjólubláum geislum sólarinnar og vinna gegn gráma.