Útimálning fyrir stein

Gefðu húsinu þínu nýtt útlit með utanhússmálningu frá Flügger

Múrinn utan á húsinu þínu er líklega einn mikilvægasti partur hússins. Til þess að halda honum snyrtilegum og tryggja að hann haldi veðri og vindum þá skiptir miklu máli að halda honum vel við með reglulegri endurmálun. Ytra byrði hússins er líka það fyrsta sem maður tekur eftir þegar maður sér húsið. Gott viðhald múrsins er mikilvægt fyrir endingu, útlit og heilbrigði hússins.

Þegar þú velur utanhússmálningu á stein þá skiptir miklu máli að velja tegund sem hentar aðstæðum. Hjá Flügger færðu fyrsta flokks utanhússmálningu sem hönnuð er með íslenskar aðstæður sem viðmið.

• Hjá Flügger færðu hina klassísku akrýlmálningu, sem er algengust við málun á múr og stein utandyra. Akrýlmálning er frábær alhliða málning til að mála bæði á nýja og eldri fleti. Akrýlmálning hrindir líka frá sér vatni og óhreinindum og skilar öndunarvirkri veðurkápu. Flügger Facade Resist er akrýlmálning sem hönnuð er til notkunar við krefjandi aðstæður utanhúss. Áætluð ending málningarinnar er 15 ár, hún er fáanleg í fjölmörgum, fallegum litum og síðast en alls ekki síst þá þolir hún rigningu 30 mínútum eftir að málað er. Facade Resist hentar því einstaklega vel til notkunar við íslenskar aðstæður.