Akrýlkítti

Hvað er akrýlkítti?

Akrýlkítti er fylliefni sem notað er í samskeyti af ýmsum gerðum, og einnig til viðgerða á minniháttar sprungum og skemmdum. Kíttið lokar og þéttir / einanagrar að auki. Hefur bæði loft- og hljóðeinangrandi áhrif. Efnið hefur jafnframt góða teygjueiginleika, sem minnkar líkur á sprungumyndun eftir notkun.

Akrýlkítti er oft notað í tengslum við málningarverkefni þar sem þétta þarf samskeyti áður en málað er yfir þau. Akrýlkítti hentar mjög vel til yfirmálunar, ólíkt flestum öðrum tegundum þéttiefna. Með því að mála yfir fúguna /samskeytin kemur þú í veg fyrir gulnun í samskeytunum. Akrýlkítti er mjög endingargott og auðvelt í vinnslu, sem skilar sér í góðri útkomu.

Akrýlkítti er fáanlegt í mismunandi litum, t.d. hvítum, gráum og svörtum lit.

Hvar er hægt að nota akrýlkítti?

Akrýlkítti er oftast notað fyrir samskeyti milli lofts, veggja og gólfs, sem og til viðgerða. Hægt er að nota akrýlkítti í öllum rýmum innandyra, þar með talið á baðherbergjum og hægt er að nota efnið á mismunandi fleti - t.d. tré, steypu, múr og gifs.

Akrýlkítti hentar venjulega aðeins til notkunar innandyra, en þú getur fengið akrýlkítti til notkunar utanhúss líka. Þegar akrýlkítti er notað utanhúss getur verið góð hugmynd að mála yfir það til að draga úr líkum á gulnun og verja fúguna.

Þegar verið er að vinna með akrýlkítti er mikilvægt að hafa í huga að ráðlögð hámarksbreidd samskeyta er 2 mm og ráðlögð hámarksbreidd í sprungum eða skemmdum er 5 mm. Ef um er að ræða stærri sprungur /samskeyti hentar betur að nota fylliefni sem eru sérstaklega hönnuð fyrir stærri viðgerðir.

Akrýlkítti hentar m.a. til notkunar á:

• tré
• steinsteypu
• stein
• múrstein

Akrýlkítti eða sílikonkítti?

Hægt er að nota akrýlkítti í öllum rýmum, nema votrýmum. Í votrýmum hentar oft betur að velja sílikonkítti í staðinn, en það þolir betur raka og sveiflur í hitastigi.