Penslar fyrir panel

Penslar sem henta á panel og karma

Það er hægt að nota margar gerðir pensla til að mála karma og panel. Það mikilvægasta er að pensillinn geti tekið mikla málningu í sig til þess að hægt sé að mála eftir panelborðinu endilöngu án þess að stoppa á miðri leið og eiga á hættu að fá skil. Einnig er mikilvægt að vera með minni pensil sem hentar til að mála kanta og brúnir með nákvæmni. T.d. þegar þú vilt mála utanvert á hurðakarma, án þess að mála út á vegg.

Þessir penslar henta á panel og karma:

• Flatur pensill
• Skáskorinn pensill
• Spísspensill

Flatur pensill

Flatur pensill gefur góða áferð og hentar vel á panel, karma, gólflista o.þ.h. Flatur hausinn á penslinum gerir það að verkum að auðvelt er að mála stærri fleti eins og panelborð. Pensillinn tekur líka í sig mikla málningu og því er hægt að mála með löngum, fallegum pensilstrokum.

Skáskorinn pensill

Skáskorinn pensill hentar sérlega vel til að mála beinar línur á þröngum svæðum, t.d. milli gluggakarma og veggja. Skáskorinn pensill auðveldar alla nákvæmnisvinnu við málun á panel og körmum og gefur um leið góða áferð.

Spísspensill

Spísspensill hentar vel til að mála lista. Hann er góður í minni verkefni og nákvæmnisvinnu í hornum þar sem erfitt getur verið að koma hefðbundnum pensli að. Hann hentar því líka vel á panel og karma, þar sem smáatriðin og nákvæmni skipta miklu máli.