Flügger 32
Ómissandi litir, innblásnar af norrænni náttúru.
Flügger 32 er vandlega valið safn litatóna, innblásið af hráum, óbeisluðum krafti og fegurð norrænnar náttúru. Frá snjóþöktum tindum til grýttra stranda endurspegla litbrigðin kyrrðina í hvítum, gráum og beige litum.
Þar sem dregið er fram það sem landið þekkir nú þegar.
Innblásið af náttúrunni
Blæbrigðin í Flügger 32 spretta úr því sem náttúran geymir. Himinninn hráhvítur yfir lyngmóa. Furutré sem hreyfast í ró. Steinar sem hvíla í sandi.
Hannað í Skandinavíu
Hver litur í Flügger 32 litakortinu er þróaður og fínstilltur í rannsóknarstofu okkar rétt utan við Kaupmannahöfn, þar sem hönnunarteymið og litasérfræðingar Flügger vinna náið saman. Litakortið mótast af ábendingum og óskum frá viðskiptavinum og verslunum, ásamt innblæstri frá nýjustu hönnunarstraumum og sígildum litbrigðum.
Þessir hlutlausu litir henta vel bæði á innan- og utanhússfleti og skapa hlýlega heild með áþreifanlegri dýpt.
Litakortið
Átta litafjölskyldur með mjúkum, rólegum hlutlausum blæbrigðum – frá krítarhvítu til kaldgráa og gylltra beigetóna. Hver fjölskylda inniheldur fjóra tóna, frá ljósum til dekkri, svo þú getur valið nákvæmlega hversu látlaust eða áberandi litavalið þitt á að vera.
Af hverju að sætta sig við alhvíta veggi, þegar örlítill litur getur fært heimilinu hlýju og persónulegt yfirbragð? Nýju hlutlausu litirnir okkar bæta auðveldlega hlýju og karakter við hvaða rými sem er.
Grey (1–4)
Hlýir og rólegir gráir tónar með náttúrulegri dýpt – innblásnir af steinum, trjábörki og rekavið. Litir sem þú finnur fyrir, ekki bara sérð.
Sky (1–4)
Svalir gráir tónar með ferskleika og ró, innblásnir af vetrarlofti og skýjum á hreyfingu – eins og að stíga út í morgunbirtuna sem streymir inn um opna glugga.
Mist (1–4)
Grár tónn með léttum grænum blæ – rólegur og náttúrulegur, líkt og dögg sem liggur yfir engjum eða mosagrónu landslagi.
Beige (1–4)
Hlýir og rólegir beigetónar með áferð sem minnir á slípaðan við eða hráan leir.
Sand (1–4)
Gylltir, hlutlausir beigetónar – innblásnir af melgresi, þurri jörð og sólskinsbjarma.
Dawn (1–4)
Mildur beige tónn með daufum rósrauðum blæ – minnir á morgunhimin og mjúk litaskil.
Clay (1–4)
Greige – liturinn þar sem beige og grátt mætast. Rólegur litur sem sameinar nærveru og dýpt.
Kontrast og jafnvægi
Vantar þig andstæður í rýmið? Flügger 80 gefur rólegum tónum Flügger 32 dýpt, karakter og stefnu. Hægt er að nota litina til að skapa hreyfingu í rýminu – sem áberandi áherslur, á völdum veggjum eða til að draga fram smáatriði. Með því að sameina litakortin tvö færðu samstillt samspil þar sem Flügger 32 veitir ró og jafnvægi á meðan Flügger 80 bætir við krafti og skerpu.
Gefðu nýju litunum þínum fullkomna áferð - Dekso 1 Ultramatt
Dekso 1 Ultramat er augljós kostur fyrir einstaka útkomu. Þessi ofurmatta veggmálning undirstrikar liti með einstakri dýpt og nákvæmni. Á sama tíma er hún bæði blettaþolin og endingargóð, sem tryggir að veggirnir þínir haldi fallegu útliti sínu lengur.
